Xəbər lenti


Rusiya prezidenti Vladimir Putin ümumxalq səsverməsində Rusiya seçicilərinin dörddə üçdən çoxu tərəfindən dəstəklənmiş ölkə konstitusiyasına dəyişikliklər edilməsi barədə fərmanı imzalayıb.

“Report” “RİA Novosti”yə istinadən xəbər verir ki, bu barədə Kremlin Mətbuat xidməti məlumat yayıb.

Bu il Federal Məclisə göndərdiyi mesajda Putin ölkənin Əsas Qanuna bir sıra dəyişikliklər təklif etdi. Sonradan təkliflər xüsusi yaradılmış işçi qrupu tərəfindən işlənib hazırlanandan sonra prezident müvafiq qanun layihəsini Dövlət Dumasının müzakirəsinə təqdim etdi.

Qeyd edək ki, əsas qanuna dəyişikliklərlə bağlı səsvermə iyunun 25-dən iyulun 1-dək baş tutub. Protokolların 100% emal olunduqdan sonra ümumi seçici fəallığının 67,97% təşkil etdiyi müəyyənləşib. Seçicilərin 77,92%-i (təxminən 58 milyon rusiyalı) dəyişikliklərin lehinə, 21,27%-i (təxminən 16 milyon nəfər) isə əleyhinə səs verib.




Ana səhifəyə qayıt        Baxış: 2 670          Tarix: 3-07-2020, 21:09      


Paylaş:   

Ən çox oxunanlar