ABŞ Müdafiə naziri Mark Esper İsrailin Yaxın Şərqdə üstünlüyünü qoruyacaqlarına dair həmin ölkənin rəsmilərinə söz verdiklərini açıqlayıb.

Musavat.com xarici agentliklərə istinadən xəbər verir ki, bununla Pentaqon rəsmisi “F-35” qırıcılarının Birləşmiş Ərəb Əmirlikərinə satılması ilə əlaqədar rəsmi Tel-Əvivi sakitləşdirməyə çalışıb.

“Bzim münasibətlərimizin əsas məhək daşlarından biri də İsrilain bölgədə keyfiyyətli hərbi üstünlüyünü saxlanmasından ibarətdir. Birləşmiş Ştatlar və onun Müdafiə nazirliyi də bu imperativə sadiqdir”,-deyə Mark Esper israilli həmkarı Benni Qantsla birgə keçirdiyi mətbuat konfransında bəyan edib.

Benni Qants isə ABŞ-İsrail münasibətlərini bölgədə sabitliyin təminatçısı adlandırıb. “Mən həmişə demişəm ki, bizim başqa İsrailimiz olmadığı kmii, başqa ABŞ-ımız da yoxdur”,-deyə o söyləyib.

Xatırladaq ki, ABŞ prezidenti Donald Tramp İsrailin etirazlarına rəğmən qırıcı təyyarələrin BƏƏ-yə satılmasında heç bir problem görmədiyini açıqlamışdı. İsrail isə rəsmi Vaşinqtonun İordaniya, Misir və BƏƏ kimi ölkələrlə silah bazarını genişləndirməsindən narahatdır.

İki ölkə arasında 1960-cı illərdən bu yana İsrailin bölgədə hərbi silahla bağlı dominant mövqeyinin qorunması ilə bağlı razılıq var.