Ermənistan baş naziri Nikol Paşinyan xarici işlər naziri Ara Ayvazyanın işindən narazıdır. Ona görə də o vəzifəsindən azad edilə bilər və ya özü istefa məktubu yazacaq.

Virtualaz.org bildirir ki, bu barədə "Hraparak" qəzeti öz mənbələrinə istinadən yazır.

"Belə çıxır ki, baş nazir Nikol Paşinyan Ayvazyanın Moskvadakı Türkiyə ilə bağlı açıqlamalarını bəyənməyib: nazir qayıtdıqdan sonra sərt şəkildə söhbət ediblər, baş nazir nazirə irad tutub", - deyə erməni nəşri dəqiqləşdirib.

Söhbət erməni diplomatın 7 dekabrda Moskvaya səfərindən gedir. Rus həmkarı Sergey Lavrovla danışıqların ardından mətbuat konfransında Yerevanla Ankara arasındakı münasibətlərin

normallaşması ilə bağlı sualı cavablandıran Ayvazyan, 1915-ci il hadisələrini xatırladıb, Türkiyəni Ermənistana qarşı təcavüzkar siyasətdə günahlandırıb və İkinci Qarabağ müharibəsindəki rolunu tənqid edib.