Bu gün Türkiyə qlobal səviyyədə həyata keçirilən meqalayihələrin yarısından çoxunu təkbaşına reallaşdıran ölkədir.

Axar.az xəbər verir ki, bunu Türkiyə Prezidenti Rəcəb Tayyib Ərdoğan deyib.

O bildirib ki, Gəzi Parkı hadisələri zamanı da qarşımıza eyni tələblərlə çıxmışdılar:

“Türkiyənin inkişafına qarşı çıxan kim varsa, böyük layihələrimizə hücum etdi. Bundan başqa, bizə qarşı hiyləgər məqsədlər içində olan beynəlxalq spekulyantlardan tutmuş terror təşkilatlarına qədər hər çirkinliyin altından eyni məqsədlərin çıxdığını gördük.

Ancaq buna baxmayaraq, Türkiyəni dünyanın ən böyük 10 iqtisadiyyatından biri etmək üçün meqalayihələrə böyük investisiyalar yatırdıq. İndi isə gözünü yüksək texnologiyalara, süni zəkaya dikən Türkiyə var”.