ABŞ blogger Aleksey Navalninin həbsi ilə əlaqədar martın 2-də Rusiyaya yeni sanksiyalar tətbiq etmək niyyətindədir.
 
Ovqat.com xəbər verir ki, Reuters agentliyi iki mənbəyə istinadən bu məlumatı yayıb.
 
Məlumata görə, ABŞ Dövlət Departamentinin nümayəndəsi Ned Prays jurnalistlərin ABŞ administrasiyasının "Navalni işi" ilə bağlı mümkün tədbirlər haqda sualına cavab olaraq bildirib ki, Vaşinqton bu məsələdə öz fəaliyyətini Avropa İttifaqı ilə sıx əlaqələndirmək niyyətindədir.
 
Agentlik sanksiyaların tətbiqi ilə bağlı zamanı da açıqlayıb – 2 mart 2021-ci il tarixi.
 
Bundan əlavə, Amerika hakimiyyəti “2005-ci ilin Qanununda kütləvi qırğın silahlarının yayılmasına və 1991-ci ilin kimyəvi və bioloji silahlara nəzarət və onun tətbiqinin qadağan olunmasına dair qanun”a əsasən yeni sanksiyalar tətbiq edəcək. Ağ evin gündəmində həmçinin "Rusiyanın 2014-cü ildə Krıma soxulması”na qarşı tətbiqi nəzərdə tutulan sanksiyalar da var.