İranın ən böyük hərbi gəmisi Oman körfəzində batıb.
 
Ovqat.com-un məlumatına görə, “Hark” adlı hərbi gəmidə Hürmüzgan vilayətinə bağlı Cask limanı yaxınlığında yanğın çıxıb. 
 
Yanğın söndürənlərin 20 saat davam edən səyləri heç bir nəticə verməyib. Gəmi yana-yana dənizə qərq olub.
 
İran Silahlı Qüvvələri faktı təsdiqləsə də, yanğının çıxış səbəbi barədə hər hansı açıqlama verməyib. Açıqlamada bildirilib ki, gəminin bütün ekipajı evakuasiya olunub.
 
“Hark”ın 40 ildir İran hərbi donanmasının böyük gəmisi olduğu bildirilir.