Cenevrədəki sammit Kremlin Qərbin dünyanın yeni bölgüsü, təsir sahələri barədə razılığa gəlməsi və Ukraynaya qarşı cinayətlərinə göz yumma ehtimalı ilə bağlı illüziyalarını dağıtdı.

Axar.az xəbər verir ki, bunu Ukraynanın keçmiş prezidenti Pyotr Poroşenko deyib.

“Bayden Putinə yarım il vaxt verdi. Ukrayna Kremlə güclü beynəlxalq təzyiq üçün bu vaxtdan maksimum istifadə etməlidir. Eyni zamanda, Kiyev səylərini birləşdirməli və tərəfdaşların yardımı ilə irəliləməlidir. Ukraynanın strateji ambisiyaları rəhbərliyin konkret addımları ilə dəstəklənməlidir.

Kiyevin islahatları nə qədər uğurlu olsa, tərəfdaşların dəstəyi o qədər güclü olacaq”, - Poroşenko bildirib.