Qırğızıstan-Tacikistan sərhədində atışma olub.

“Report” “Sputnik Armeniya”ya istinadən xəbər verir ki, məlumatı Tacikistanın Milli Təhlükəsizlik üzrə Dövlət Komitəsinin Sərhəd Qoşunlarının mətbuat mərkəzi yayıb.

Məlumata görə, iyulun 8-də Qırğızıstanın 4 sərhədçisi Tacikistanın Soqdi vilayətinə keçib. Onlar mülki geyimdə olublar. Sərhədçilər həmin ərazidən 9 baş atı Qırğızıstana keçirmək istəyiblər.

Tacikistan sərhədçilərinin onları atəşə tutması nəticəsində iki qırğız sərhədçi yaralanıb.

Hadisə yerinə hər iki ölkənin vəzifəli şəxsləri gəlib.