Əfqanıstan hökuməti ümid edir ki, Rusiya, Hindistan və Çin onlara terrorçularla mübarizədə kömək edəcək.

Axar.az xəbər verir ki, bunu Əfqanıstan prezidentinin milli təhlükəsizlik üzrə müşaviri Həmdulla Mohib deyib.

“Biz xarici tərəfdaşlarımızı daxili işlərimizə müdaxilə yerinə qüvvələrimizə terrorçularla mübarizədə kömək etməyə çağırırıq.

Biz bütün xarici tərəfdaşlarımıza texniki dəstəyə görə təşəkkür edirik.

Terrorçular bütün region ölkələrində zərərli fəaliyyət aparırlar, ona görə də bütün dövlətlər birləşməlidir”, – deyə o bildirib.