Rusiya müdafiə naziri Sergey Şoyqu orduya prezident Vladimir Putinin “Ruslarla ukraynalıların tarixi birliyi” barədə məqaləsini oxumağı əmr edib. Bu haqda RBK Müdafiə Nazirliyindəki mənbələrə istinadən xəbər verir.

Məlumatda deyilir ki, belə qərar Ukraynada qohumları yaşayan vəya əslən bu ölkədn olan böyük sayda hərbi qulluqçulardan Putinin məqaləsinə müsbət reaksiyalarından sonra verilib. Bildirilir ki, Rusiya hərbçiləri üç xalqın-rus, ukrayna və belarus xalqlarının birliyi haqda Putinin tezisini dəstəkləyir.

Nəticədə məqaləyə böyük diqqəti nəzərə alaraq Müdafiə Nazirliyi onu hərbi-siyasi hazırlıq mövzusunda öyrənilməsi mütləq olan materiallar sırasına daxil edib.

Putinin məqaləsi iyulun 12-də Kremlin saytında iki dildə-rus və ukrayna dillərində dərc olunub. Prezident bildirib ki, məqalənin əsasında açıq mənbələrdən götürülmüş faktlar dayanır.

Virtualaz.org