ABŞ-ın dəstək verdiyi Suriya Demokratik Qüvvələri Rakkanın mərkəzinə doğru irəliləyir.

Publika.az xəbər verir ki, bu haqda Amerika Mərkəzi Qüvvələr Komandirliyi (CENTCOM) bu səhər açıqlama verib.

Açıqlamada bildirilir ki, ölkələrarası koalisiyanın dəstəyi ilə ordu Rakkanın “Köhnə Şəhər” adlandırılan tarixi bölgəsini çevrələyən “Rəfiqə” divarında 25 metrlik keçid açıb.

ABŞ rəsmisi Bret Makqark bu keçidin çox önəmli irəliləyiş olduğunu vurğulayıb.

Hazırda İŞİD paytaxt elan etdiyi Rakka şəhərini 4000 əsgərlə qoruyur. Şəhərdə 100 000-ə yaxın sivil vətəndaş da var.