ABŞ son 6 ayda Ukraynaya 10 milyard dollardan çox hərbi yardım edib və Qərb bu ölkəni öz silahlarının sınaq poliqonuna çevirib.

Bu barədə “Global Times” yazıb. Nəşr Ukrayna ilə Rusiya arasındakı münaqişənin sonradan hərbi sektordan diplomatiyaya, enerji və maliyyəyə necə keçdiyini xatırladır. İndi isə dünyada ən çox müzakirə olunan məsələ - bu qarşıdurmanın necə bitəcəyi məqalədə göstərilir.

Nəşrin müəllifləri münaqişənin faciəyə çevrildiyini, dünyada qeyri-sabitlik faktorlarının müşahidə olunduğunu, Rusiya ilə Avropa ölkələri arasında münasibətlərin düşmənçilik xarakteri daşıdığını, keçmişdə mövcud olan əməkdaşlıq və susqun anlaşmadan demək olar ki, heç nə qalmadığını vurğulayırlar. Bundan əlavə, məqalədə deyilir ki, bəziləri münaqişənin bitməsini istəmir.