Amerikanın ən təcrübəli diplomatlarından biri Ceyms Uorlik ABŞ hakimiyyəti ilə separatçı “Dağlıq Qarabağ Respublikası”nın Amerika Erməni Milli Komitəsi (AEMK) və Amerika Erməni Assambleyası (AAA) tərəfindən maliyyələşdirilməsi faktları üzrə məhkəmə icraatının mümkünlüyü barədə danışıqlar aparır. Virtualaz.org bildirir ki, bu barədə erməni “Depiararat” portalı məlumat verib.

Sözügedən hər iki təşkilat lobbiçiliklə məşğul olur və ABŞ rəhbər dairələrində sıx əlaqələrə malikdir. Onların əlində güclü maliyyə və informasiya resursları cəmləşib. AEMK Amerikada nüfuzuna görə etno-lobbist təşkilatlar arasında ikincidir, AAA isə ABŞ-da gücünə görə ikinci erməni təşkilatıdır.

Ceyms Uorlikin təşəbbüs göstərdiyi məhkəmə icraatı hüquqi cəhətdən əsaslandırılıb, belə ki, hər iki erməni təşkilatı ABŞ rezidentidir.