İran hakimiyyəti İraq banklarında əvvəllər bloklanmış təxminən 2,7 milyard dollarlıq aktivlərə çıxış əldə edib.

“Report” “Tasnim” xəbər agentliyinə istinadən xəbər verir ki, bu barədə İran-İraq birgə Ticarət Palatasının rəhbəri Yəhya əl-İshaq bildirib.

Onun sözlərinə görə, dondurulmuş İran aktivlərinin bir hissəsi İraqdakı iranlı zəvvarların ehtiyac duyduğu vəsaitləri təmin etmək üçün ayrılıb, digər hissəsi isə əsas ərzaq xərclərini ödəmək üçün istifadə edilib.

Palatanın rəhbəri qeyd edib ki, İraq hökumətinin İranın ödənilməmiş töhfələrinin bir hissəsini ödəmək üçün verdiyi lisenziya bazarlara mütləq müsbət təsir göstərəcək, çünki İran Mərkəzi Bankının tələbləri təmin edilib və aktivlərdən istifadə etməklə ölkədə ehtiyac duyulan əsas mallar alınıb.