Xəbər verdiyimiz kimi, 12 yanvar tarixində İraqın şimalında Türk Silahlı Qüvvələrinin əsgərlərinin şəhid olmasından sonra başladılan hava əməliyyatı nəticəsində terrorçulara məxsus hədəflər yox edilib. İraq və Suriyanın şimalında həyata keçirilən hava əməliyyatlarında Separatçı Terror Təşkilatının istifadə etdiyi 29 hədəf məhv edilib, çox sayda terrorçu zərərsizləşdirillib. Bu barədə Türkiyə Müdafiə Nazirliyi açıqlama yayıb. 

Türkiyənin həyata keçirdiyi hava zərbələri dünya mətbuatında geniş işıqlandırılıb. 

Musavat.com xəbər verir ki, Almaniyanın “Tagesschau” qəzeti oxucularına qalmaqallı xəritə təqdim edib.

Qəzet Türkiyə ərazisinin də daxil olduğu bölgəni “Kürdüstan” deyə qeyd edib.

Xəbərdə qeyd edilib ki, Türk ordusu Suriya və İraqın şimalında kürd silahlılarına qarşı hava hücumları həyata keçirib. Hədəflərin mağaralar, sığınacaqlar və neft obyektləri olduğu bildirilib.