Respublikaçı senatorlar tərəfindən miqrantlara "yaşıl kart"ın (Green Card) verilməsinə dair məhdudiyyətlərə əlavələr edilib.

Publika.az xəbər verir ki, yeni qanun layihəsi prezident Donald Tramp tərəfindən dəstəklənib. Onun sözlərinə görə, prezidentliyə namizədliyini verməzdən öncə bu layihə barəsində düşünüb: "Son illər ölkəyə axın edən miqrantların əksəriyyəti ixtisassız və orta təhsillidir. Bu qanun layihəsi köhnə qaydaları əvəzləyərək yeni sistem gətirəcək. Artıq müsabiqə çərçivəsində ingilis dilini bilənlərə, özlərini və ailələrini təmin edə biləcək bacarığa sahib olan miqrantlara üstünlük veriləcək. Bununla onlar həm də ölkə iqtisadiyyatına faydalı olacaqlar".