ABŞ mayın 9-dək ayrılmış yeni paketdən Ukraynaya yardımın bir hissəsini çatdırmağa çalışır.

Musavat.com xəbər verir ki, bu barədə “Politico” məlumat yayıb.

Məlumata görə, Amerika səlahiyyətliləri ABŞ-dən vəd edilən silahların hamısının bu vaxta qədər çatdırılmasını çətin hesab edir. İlk növbədə, Vaşinqton Amerikanın HIMARS reaktiv yaylım atəş sistemi üçün mərmilər də daxil olmaqla, sursatları ötürmək niyyətindədir. Qeyd olunur ki, onların sayı çox olmadığı üçün olduqca tez göndərilə bilər. 155 mm-lik artilleriyanın cəbhə xəttinə çatdırılması daha çox vaxt aparacaq.