Münhen hava limanı bir neçə pilotsuz uçan aparatın aşkarlanması ilə əlaqədar uçuşları dayandırıb.

Oxu.Az xəbər verir ki, bununla bağlı Münhen hava limanının saytında məlumat yerləşdirilib.

"Oktyabrın 2-də axşam saatlarında Almaniyanın Hava Nəqliyyatı İdarəsi bir neçə pilotsuz uçuş aparatın müşahidəsi ilə əlaqədar Münhen hava limanında uçuşları məhdudlaşdırıb, sonra isə tamamilə dayandırıb. Nəticədə həmin axşam 17 reys Münhendən yola düşə bilməyib və bu, 3000-ə yaxın sərnişinə təsir edib", - məlumatda qeyd edilir.

Xatırladaq ki, gələn 15 reys Almaniya və Avstriyanın digər şəhərlərinə yönləndirilib.