Dağıstanda keçirilən xüsusi əməliyyat zamanı terrorçuluqla məşğul olan cinayətkar qrupun başçısı məhv edilib.

Ovqat.com APA-ya istinadən xəbər verir ki, öldürülən şəxs bir neçə terror cinayətləri törətməkdə şübhəli bilinir.  
Məlumata görə, əməliyyat zamanı bir polis əməkdaşı yaralanıb və bir mülki şəxs təsadüfən həlak olub.
"Cinayətkar  təslim olmaq çağırışlarına məhəl qoymayaraq, atəş açıb. Nəticədə bir polis əməkdaşı yaralanıb, yoldan həmin an keçən mülki şəxs isə ağır yaralanaraq keçinib. Cavab atəşi ilə cinayətkar məhv edilib", - deyə antiterror komitəsindən bildirilib.