Bu yaxınlarda tanınmış şair-publisist ,Azərbaycan Yazıçıar Birliyi və Azərbaycan Jurnalistlər Birliyinin üzvü Şahnaz Şahinin “O SÖZƏCƏN…”adlı poetik toplusu “Elm və Təhsil” nəşriyyatında nəfis tərtibatla işıq üzü görmüşdür. Poetik dəsti-xətti ilə seçilən şairin sayca beşinci kitabı olan bu kitabında müxtəlif mövzuda , poetik rəngarəngliyi ilə diqqət çəkən orijinal şeirləri və iki poeması toplanmışdır. Topludakı şeirlər bədii-fəlsəfi dəyər , ictimai mündəricə baxımından çağdaş poeziyamızı zənginləşdirən əsərlərdir. Orijinal poetik düşüncələri ilə oxucu marağını qazanmış şairin bu kitabını yaradıcılıq uğuru kimi səciyyələndirmək olar. Kitabın redaktoru şair Balayar Sadiqdir.