“Sürgündə tənha bir ocaq” adlanan bu kitabı Fıransanın önəmli “l’Harmattan”  nəşriyyatı çap etmişdir. 

Kitabın annotasiyasında deyilir:

“Bu şeir toplusu, fransızdilli oxucuları böyük Azərbaycan şairi Məmməd İsmayıl yaradıcılığı ilə tanış edəcək.Biz böyük bir mütəfəkkirin fikir dünyasında həyati qanunların, ilahi yaranışın sirrini və sehrini seyr edirik.Onun şeirlərində təbiət, vətən və şair ruhu görünməz bağlarla birləşir və, nə zaman, nə də məkan bu yenilməz ruhu sarsıda bilir.

“Sürgündə tənha bir ocaq” qaranlıq dünya ilə, kölgələr dolaşan mühitlə aydınlıq uğrunda mübarizə aparmaqdadır. 

1939-cu ildə Azərbaycanda dünyaya göz açmış Məmməd İsmayıl öz xalqının ən öndər qələm adamıdır. O, məşhur bir jurnalın baş redaktoru vəzifəsindən başlayaraq, Azərbaycan tele-radio şirkətinin rəhbərliyinə, daha sonra Türkiyənin ən önəmli universitetlərindən biri olan Çanaqqala 18 mart universitetinin professoru rütbəsinədək uzun və mənalı həyat yolu keçmişdir. 

Bu dünya şöhrətli yazarın əsərləri 50-dən çox dilə tərcümə olunmuşdur. 

Məmməd İsmayıl müxtəlif  Beynəlxalq mükafatlara layiq görülmüşdür və Avropa Elmlər akademiyasının fəxri üzvüdür.”

Nefis şəkildə nəşr edilən kitabı fransız diline Dmitro Çistyak ve Nicolae laurent-Catrice tercüme etmişlər.

Onu da qeyd edek ki “Sürgündəki tənha ocaq” M.İsmayılın parisdə fransız dilində çap edilən üçüncü kitabıdır