NATO sammiti Ukrayna üçün uğurlu oldu. Çünki Kiyev alyansa gedən yolun dönməzliyinin rəsmi təsdiqini aldı və müttəfiqlərin hərbi dəstək vermək öhdəliyini artırdı.

Axar.az xəbər verir ki, bu barədə Latviya Prezidenti Edqars Rinkeviç “Amerikanın səsi” radiosuna müsahibəsində deyib.

Rinkeviç bildirib ki, bir neçə əsas addımın atılması Ukraynaya kömək edəcək:

"Birincisi, Ukraynanı bütün lazımi silahlarla təmin etmək, ikincisi, onun istifadəsinə dair hər hansı məhdudiyyəti aradan qaldırılmaq, üçüncüsü, Qərb tərəfindən Rusiya və Belarusa qarşı sanksiyaların tətbiqinin davam etdirməkdir. Dördüncü addım təcavüz cinayəti ilə bağlı Ukraynaya münasibətdə hüquqi öhdəliklərdir".