Ermənistanın hüquq-mühafizə orqanları Gümrüdə "Ana Ermənistan" müxalifət blokunun ofisində axtarışlar aparır.

Oxu.Az-ın məlumatına görə, bu barədə blokun Mətbuat Xidməti xəbər yayıb.

"Hazırda polis və Antikorrupsiya Komitəsinin əməkdaşları Gümrüdə "Ana Ermənistan" blokunun ofisində axtarış aparır, işimizə mane olurlar", - deyə məlumatda deyilir.

Axtarışlar blokun təşkilati məsələlərlə məşğul olan üzvlərindən biri Ara Voskanyanın evində də aparılıb.

Fraksiya həyata keçirilən axtarışları şəhərin Ağsaqqallar Şurasına seçkidə iştirak edən müxalifət qüvvəsinə hakimiyyətin hücumu kimi qiymətləndirib.