Rusiya Ədliyyə Nazirliyi "xarici agentlər" reyestrinə dörd şəxsi və bir təşkilatı daxil edib.

Oxu.Az xəbər verir ki, "xarici agent" statusu alanlar arasında Rusiyanın keçmiş xarici işlər naziri Andrey Kozırev də var. O, 1990-1996-cı illərdə bu vəzifədə çalışıb.

Məlumata görə, Kozırevə Rusiya hökumətinin qərarları və siyasəti barədə yalan məlumatlar yaymaq, Rusiya ordusuna qarşı mənfi imic formalaşdırmaq, Ukraynadakı hərbi əməliyyatlara qarşı çıxmaq və xarici platformalarla əməkdaşlıq etmək kimi ittihamlar irəli sürülüb.