Son bir neçə saat ərzində İsrail Hərbi Hava Qüvvələrinə məxsus 50-dən çox döyüş təyyarəsi Tehran ərazisindəki hərbi istehsal obyektlərinə silsilə hücumlar həyata keçirib.

“Report” xəbər verir ki, bu barədə İsrail Müdafiə Qüvvələrinin mətbuat xidməti məlumat yayıb.

Qeyd olunub ki, İranın nüvə silahı proqramına zərər vurmaq səyləri çərçivəsində Tehranda sentrifuqa istehsalı müəssisəsinə hücum edilib.

Kütləvi hücumlar zamanı bir neçə silah istehsalı obyektinə, xüsusən də Tehranın İsrail dövlətinə doğru atdığı və atmaqda davam edən “yer-yer” raketlərinin yığılması üçün xammal və komponentlər istehsal edən obyektə zərbələr endirilib.