İranın nüvə proqramı ilə bağlı narahatlıqlar yenidən gündəmdədir.

Musavat.com xəbər verir ki, yeni peyk görüntüləri Fordo şəhərində yerləşən yeraltı nüvə obyektində ciddi dağıntıları üzə çıxarıb.

Məlumatlara görə, obyektin strukturunda yaranmış dəliklər və zədələnmələr ABŞ-ın bunkerə qarşı raketləri ilə həyata keçirdiyi hücum nəticəsində baş verib.

Fordo nüvə obyekti uzun illərdir beynəlxalq diqqət mərkəzində idi və bu son hücum, bölgədə gərginliyi bir qədər də artırıb. ABŞ tərəfi hadisə ilə bağlı rəsmi açıqlama verməsə də, yayılan görüntülər ciddi zərbənin endirildiyini göstərir.

Hadisənin bölgədəki təhlükəsizlik balansına təsir edəcəyi gözlənilir.