İrana qarşı 12 günlük əməliyyatda İsrail öz məqsədinə nail olub.

Axar.az xəbər verir ki, bu barədə İsrail Müdafiə Qüvvələrinin Baş Qərargah rəisi Eyal Zamir deyib.

O, İranın nüvə proqramına ciddi zərərin dəydiyini bildirib.

"On iki günlük görünməmiş hərbi əməliyyatdan sonra İsrail Müdafiə Qüvvələri maksimum səmərəlilik nümayiş etdirərək əməliyyatın məqsəd və vəzifələrinə tam nail olub", - o qeyd edib.

Zamir əlavə edib ki, İsrail Müdafiə Qüvvələrinin Kəşfiyyat İdarəsi nüvə proqramına vurulan zərərin lokal deyil, sistemli xarakter daşıdığını müəyyən edib.