“Neftçi”də istefa baş verib. Apasport.az saytının məlumatına görə, klub prezidenti Orxan Hüseynzadə vəzifəsindən uzaqlaşıb.

Onun şəxsi istəyi ilə tutduğu postdan ayrıldığı bildirilib. Belə ki, Hüseynzadə bu gün istefa ərizəsi ilə klubun təsisçisinə müraciət edib. Nəticədə prezidentin istefası qəbul olunub.

Qeyd edək ki, Orxan Hüseynzadə ötən il iyulun 6-da “Neftçi”nin prezidenti təyin olunub.