Bundan başqa, iranlı azarkeşlər himni fitə basıblar. Eyni zamanda, stadionda azarkeşlər İran rejimi əleyhinə plakatlar nümayiş etdiriblər. Futbolçuların bu addımı göstərir ki, ölkənin əksər sakinləri etirazçıları dəstəkləyir.

Yaranmış vəziyyət geniş rezonans doğurarsa, hətta Tehran rejimi bir müddət idmançılarını xarici ölkələrdə keçirilən yarışlara buraxmaya da bilər. Bu isə sonda İrana münasibətdə sanksiyaların idman sahəsinə sirayət etməsinə də gətirib çıxarar. 

Bu fonda istisna deyil ki, İran futbolçularının həmin hərəkəti əvvəlcədən planlaşdırılmış addımdır və burada bəzi Qərb dövlətlərinin dolayı dəstəyi də olub. Aydın məsələdir ki, belə bir hərəkət fonunda İran futbolçuları mundialda yarışı başa vurduqdan sonra vətənlərinə geri dönüşü çətin olacaq. Çünki sərt qanunlarla idarə olunan bir ölkə vətəndaşının beynəlxalq yarışlarda milli himni ifa etməkdən imtina etmələri onların İrana qayıtdıqdan sonra cəzalandırılması ilə sonuclana bilər. Bu mənada İran millisi futbolçularının mundialda yarışları başa vurduqdan sonra hansısa bir Qərb ölkəsindən sığınacaq istəyəcəkləri də gözləniləndir. Hadisələrin bu sonluqla bitəcəyi ən real variantdır.