Braziliya millisi 2018 DÇ seçmə mərhələsində Ekvadora qalib gəlməklə qrupda liderliyini möhkəmləndirib.

Dünya çempionatına vəsiqəni bir müddət əvvəl təmin edən "pentakampeonlar" baş məşqçi Titenin rəhbərliyi altında keçirdikləri 9-cu oyunu da qələbə ilə başa vurub.

Ovqat.com goal.az-a istinadən xəbər verir ki, təcrübəli mütəxəssis bununla rekorda imza atıb.

Seçmə mərhələdə əvvəlki rekord ardıcıl 6 oyunda qalibiyyət idi. Bu nəticə 1970 DÇ təsnifat mərhələsində müəyyənləşdirilmişdi. Həmin vaxt Braziliyanı Joao Saldanya çalışdırırdı.

Qeyd edək ki, Titenin komandası rəqiblərini 26 dəfə məyus etdiyi halda öz qapısından cəmi 2 top buraxıb.