Xəbər lenti
ABŞ-ın yaxın illərdə neft ehtiyatlarına görə Səudiyyə Ərəbistanını qabaqlaması gözlənilir.
Ovqat.com "Habertürk" saytına istinadən xəbər verir ki, bu proqnoz ABŞ və dünyanın sığorta brokerliyi və risk menecmenti üzrə lider şirkəti olan "Marsh" tərəfindən verilib. Qeyd edək ki, "Marsh" şirkətinin törəmə müəssisəsi - "Marş Sığorta və Təkrarsığorta üzrə Broker" MMC öz fəaliyyətini 2002-ci ildə "Marş Caspian Services" MMC adı ilə, 2005-ci ildə isə müvafiq lisenziya aldıqdan sonra "Marş Sığorta və Təkrarsığorta üzrə Broker" MMC adı ilə Azərbaycan bazarında da fəaliyyətə başlayıb.
"Marsh"ın 2017-ci il "Neft və qaz risk indeksi" hesabatına əsasən, ABŞ-ın neft ehtiyatlarının həcminə görə lider ölkəyə çevrilməsi energetika sənayesinə geosiyasi baxışı dəyişdirəcək. "Bu dəyişiklik qeyri-sabit, lakin neft və qazla zəngin bölgələrdə fəaliyyət göstərən beynəlxalq şirkətlərin risklərə məruz qalacağını və bu riski necə idarə edəcəyi problemini ortaya çıxarır", - deyə "Marsh"ın Kredit riskləri Departamentinin müdiri Evan Frili (Evan Freely) bildirib.


Ana səhifəyə qayıt        Baxış: 878          Tarix: 27-04-2017, 11:11      

Xəbəri paylaş


Paylaş:   

Prizma