Makroiqtisadi analiz və qısamüddətli proqnozlaşdırma Mərkəzinin (MAQPM) ekspertləri hesabat hazırlayıblar. Hesabatda dünya iqtisadi böhranının yeni mərhələsinin müddətləri yer alıb.

Xarici KİV-in yazdığı kimi, mütəxəssislər iki ssenarini qeyd ediblər - baza və konservativ ssenarilər. Onların hər ikisi iqtisadi böhranın 2025-2026-cı illərdə yaşanacağı ehtimalını irəli sürüblər.

Baza ssenarisi nəzərdə tutur ki, COVİD-19 pandemiyası 2021-ci ilin ortasında başa çatacaq, dünya ÜDM-nün artımı 4,0 faiz təşkil edəcək, neft isə onilliyin sonuna 82-85 dollara (barrel) qədər bahalaşacaq. İqtisadiyyatın monetar stimullaşdırılması bazarı əlavə olaraq «irəli aparacaq». Bu atımların sayəsində ölkələr yaxın zamanlarda borc böhranından qaça biləcəklər.

Struktur böhranı ssenarisi (konservativ ssenari) nəzərdə tutur ki, pandemiya bir il artıq davam edəcək, ÜDM il ərzində 2-3 faiz artacaq. Bu halda neftin qiyməti onilliyin birinci yarısında 50-55 dollara (barrel) düşəcək və 20-ci illərin ikinci yarısında 65 dollara yüksələcək.
Eyni zamanda, ekspertlər böhransız baza ssenarisi imkanlarını da qeyd edirlər. Bu halda 2020-ci illərin ortasında «artım pauzası» gələcək - iqtisadiyyatda enmə olmayacaq, ancaq iqtisadi artımın ahəngi sıfıra bərabər olacaq.

AzPolitika.info