“Report” Rusiyanın Baytarlıq və Fitosanitar Nəzarət üzrə Federal Xidmətinə (“Rosselxoznadzor”) istinadən xəbər verir ki, Azərbaycan qonşu ölkəyə 84,7 min ton kartof tədarük edib ki, bu da bir il əvvəlki göstəricidən 23 % çoxdur.

Məlumata görə, Azərbaycan Rusiyaya kartof tədarükünə görə ikinci yerdə qərarlaşıb. Azərbaycan eyni zamanda MDB ölkələri arasında Rusiyanın əsas tomat (114 min ton) tədarükçüsüdür.

Hesabat dövründə ölkəmizdən Rusiyaya xiyar tədarükü 2 dəfə, çuğundur – 2,4 dəfə, nektarin və ərik – 3 dəfə, şaftalı - 2,8 dəfə, armud - 2,4 dəfə, xurma – 2,3 dəfə, çiyələk - 2,2 dəfə, qarpız – 9 dəfə artıb.