Xəzər Boru Kəməri Konsorsiumu (CPC) 2025-ci ilin ikinci yarısından etibarən Qazaxıstanın Tengiz yatağından neft nəqlinin artacağını gözləyir.

Musavat.com xəbər verir ki, bunu şirkətin rəhbəri Nikolay Qorban korporativ nəşrə müsahibəsində deyib.

Onun sözlərinə görə, bu il yükgöndərənlər tədarükdə əlavə artımı təmin edə bilmirlər: “Təəssüf ki, yükgöndərənlərimiz hələ ki, bizə artıq neft verə bilmirlər. Artımı gələn ilin ikinci yarısında Tengizdən gözləyirik”.

Mayın sonunda CPC elan edib ki, 2024-cü ildə neft nəqlinin il üçün ilkin tələblərlə müqayisədə 7 faiz azalaraq təxminən 65 milyon tona düşəcəyini gözləyir. Yanvarda isə Qorban bildirib ki, konsorsium 2024-cü ildə neft daşınmasını əvvəlki ildəki 63,5 milyon tondan 70 milyon tondan çox artırmağı planlaşdırır.