ABŞ-ın CNN, NBC, CBS, ABC kimi məşhur telekanlları prezident Donald Trampın hakimiyyətdəki ilk 100 günündəki uğurlarından bəhs edən reklam rolikini göstərməkdən imtina edib. Səbəb isə reklam rolikində özlərinin aşağılanması olub.

Ovqat.com-un xarici mətbuata söykənərək, verdiyi məlumata görə, “100 günlük” reklam çarxında ABŞ-ın məşhur telekanalları və proqramları “yalan xəbər” elanıyla təqdim olunurmuş.

Həmin telekanallar isə Trampa ya zəhmət çəkib bu elanı yığışdırmasını, ya da videonu yayımlamayacaqlarını bildiriblər. Tramp tələbi yerinə yetirmədiyinə görə də telekanlar öz sözlərinə sadiq qalıblar.