İran Prezidenti Həsən Ruhani Təbriz Beynəlxalq Xalça Sərgisinin açılışında dünyanın ən böyük əldə toxuma xalısını təqdim edib.

Virtualaz.org yerli KİV-ə istinadən bildirir ki, təbrizli ustaların ərsəyə gətirdikləri 600 kvadratmetrlik və çəkisi 3 ton olan bu nadir sənət nümunəsində 700 rəngdən istifadə edilib. Onun toxunması altı il davam edib və avqustun 3-dək İranın Şərqi Azərbaycan əyalətinin paytaxtı Təbrizdə nümayiş olunacaq.

Qeyd olunur ki, Təbriz Beynəlxalq Xalça Sərgisində Qərbi və Şərqi Azərbaycandan olan ustalarla yanaşı, Gilan, Qum, Tehran şəhərlərinin də xalçaçıları iştirak edirlər.