7 gündən sonra seçkilər başlayır. Azərbaycan Milli Məclisinin olduğu kimi, Naxçıvan MR Ali Məclisinin də deputatları fevralın 9-də müəyyənləşəcək. Daha doğrusu, artıq müəyyənləşib də. 7 gündən sonra həmin müəyyən şəxslər sadəcə xalqa da elan olunacaq.

Azərbaycan Milli Məclisinin deputatlarının kimliyini bir müddət əvvəl Milli Şuranın sədri Cəmil Həsənli “rəsmən” elan etmişdi. MSK-dan düz 12 gün əvvəl 125 deputatın kimliyini açıqlamaq həqiqətən məharət tələb edir və Cəmil bəy bu uzaqgörənliyi ilə haqlı olaraq qürrələnmişdi də.

Ovqat.com da Milli Şuradan geri qalmaq fikrində deyil. Biz də Naxçıvan Ali Məclisinə seçiləcək deputatların bəzilərinin adını açıqlayırıq.

Qeyd edək ki, Naxçıvan Ali Məclisinin 45 deputatı olur. Deməli bir çox qərarların qəbul olunmasında yetərsay 23-dür. Bizim adlarını 7 gün əvvəldən açıqladığımız deputatların sayı isə 28-dir. Yəni bu heyətlə də Naxçıvan Ali Məclisi öz fəaliyyətini davam etdirə bilər.

Cəmil bəy inciməsin, Ovqat.com Naxçıvan deputatlarının kimliyi ilə bağlı bir çox detalları ortaya çıxarmaqda Milli Şuranı üstələyib. Biz 7 gündən sonra Naxçıvan MR Ali Məclisindən mandat alacaq şəxslərin bioqrafiyasını da, şəkilləri ilə bərabər paylaşırıq.

Maraqlıdır ki, seçiləcəyini 7 gün öncədən elan etdiyimiz Naxçıvan MR deputatlarının yarısından çoxu – 15 nəfəri Şərurdan, 6 nəfəri Babəkdən, 3-ü Cülfadan, biri isə Şahbuzdandır. Nəzərə alsaq ki, Muxtar Respublikanın 7 rayonu var, 45 nəfərlik deputat yerinə ən azı 15 nəfərin bir rayondan seçilməsi xeyli suallar doğurur. Ümidvarıq ki, rayonlar arasındakı bu disbalansın səbəbinə yazımız dərc olunduqdan sonra Naxçıvan Muxtar Respublika hakimiyyətinin özü aydınlıq gətirəcək. Biz isə həmin “seçilmişləri” sizlərlə yaxından tanış edirik. Buyurun, bu da sizə Naxçıvan MR-ın 7 gündən sonrakı tərkibi.

Zəruri qeyd: Siyahıda görə bilmədiyiniz deputatlardan biri Ali Məclis sədrinin oğlu Seymur Talıbov, digəri isə Naxçıvan Muxtar Respublikasının Sahibkarlar Konfederasiyasının İdarə Heyətinin sədri Vüqar Abbasovdur. Yeri gəlmişkən, Vüqar Abbasov barədə maraqlı məlumatlar əldə etmişik. Sabah həmin məlumatları saytımızda izləyə bilərsiniz.