Rusiya Prezidenti Vladimir Putin koronavirusa yoluxma şübhəsilə ev karantininə alınıb. 
Eastnews.org-un verdiyi xəbərə görə, bu barədə Kremlin mətbuat xidmətinin rəhbəri Dmitri Peskov məlumat verib. O bildirib ki, Rusiya Prezidenti Vladimir Putinin Moskvanın Kommunarka qəsəbəsində yerləşən infeksion xəstəliklər xəstəxanasının baş həkimi Denis Protsenko ilə görüşündən sonra ev karantininə alınıb.   
Peskov son hadisələrdən sonra Putinin uzaqdan idarəetmə sisteminə keçdiyini açıqlayıb:   "Putin bütün görüşlərini telekonferensiyalarla keçirəcək. Prezident bütün işlərini bu günlərdən uzaqdan edir. Bu tədbirlər daha da artırılacaq".  
Peskov dünən verdiyi açıqlamada Putinin mütəmadi olaraq koronavirus testindən keçirildiyini bildirib. 
Qeyd edək ki, Moskvanın Kommunarka qəsəbəsində yerləşən infeksion xəstəliklər xəstəxanasının baş həkimi Denis Protsenkoya "COVID-19" diaqnozu qoyulub. Martın 24-də Rusiya Prezidenti Vladimir Putin Kommunarka qəsəbəsində yerləşən infeksion xəstəliklər xəstəxanasını ziyarət edərək, baş həkim Denis Protsenkoya ilə görüşmüşdü.