Azərbaycan neftinin qiyməti ucuzlaşıb.
 
AZƏRTAC xəbər verir ki, “Azeri Light” markalı neftin bir barrelinin qiyməti 2,35 dollar ucuzlaşaraq 16,25 dollar təşkil edib.
 
Ovqat.com-un məlumatına görə isə AzərTac bir az tərəfkeşlik edərək ən yuxarı həddi götürüb. 
 
Həqiqətən də İtaliyanın Augusta limanında “qara qızıl”ımız o qiymətədir. Bizim aldığımız məlumata görə isə, Türkiyənin Ceyhan limanında neftimiz daha ucuz qiymətə təklif olunur - 14.3 $/barrelə. İki liman arasındakı iki dollarlıq fərq, görünür, nəqliyyat xərclərindən qaynaqlanır. Zira Augusta limanı Ceyhandan uzaq olduğundan nəqliyyat fərqi 1-2 dollar arasında dəyişilə bilər.
 
Mütəxəssislərin bildirdiyinə görə, Azərbaycan neftinin bir barrelinin maya dəyəri 12.5 dollara başa gəlir. Üzərinə 4-5 dollar da tranzit xərcini gəlsək, əldə edilən nəticə Augusta limanında satdığımız qiymətə bərabər olar. Belə çıxır ki, Azərbaycan neftçiləri istehlakçılar üçün müftə işləməlidirlər.