İndiyədək koronavirus ölümlərində və yoluxmalarında rekordların qırılmasına qulağımız öyrəşmişdi. Bu gün isə sağalmalarda bir sayısal həddin aşıldığına dair məlumat daxil olub.
 
Ovqat.com-un ÜST-ə istinadən məlumatına görə, dünyada koronavirusdan sağalanların sayı 1 milyonu keçib – 1.001.933.
 
İndiyədək 3 milyon 220 min 970 insanın yoluxduğu virusdan 228 min 251 xəstə dünyasını dəyişib.
 
Ümumi ölümlə sağalma nisbətlərini qarşılaşdıranda koronavirusun öldürücülük gücünün 19%-ə endiyini görə bilərik. Qeyd edək ki, 10 gün əvvələ qədər bu nisbət 21%-də qərarlaşmışdı.
 
Hazırda 2 milyona yaxın insanın bu xəstəlikdən əziyyət çəkdiyi, onlardan 60 minin vəziyyətinin ağır olduğu bildirilir.