Xəbər lenti

 
Neçə müddətdir, dünyanın müxtəlif media qurumlarında ermənilərin destruktiv fəaliyyəti barədə yazılar artmağa başlamışdı. Açıq görünürdü ki, Azərbaycan rəsmi İrəvanın özbaşınalığını barədə beynəlxalq ictimai rəy yaradaraq, ölkəmizin haqq işinə hazırlayırlar.
 
Ötən il ATƏT-in Minsk Qrupunun təşkilatçılığı ilə Rusiyada keçirilən görüşdə Ermənistanın götürdüyü öhdəlikdən yayınma cəhdi də son vaxtlar açıq hiss olunurdu. Hətta Rusiya Xarici İşlər naziri belə, bunu Paşinyana xatırlatmış, öhdəliklərini yerinə yetirməyə dəvət etmişdi.
 
Belə görünür ki, rəsmi İrəvana verilən möhlət artıq başa çatır.  Azərbaycan Müdafiə Nazirliyinin hərbi qüvvələrə döyüşə hazırlıq əmri verməsi də bu ehtimalı gücləndirir və ard-arda yaşananların təsadüfə oxşamadığını təsdiqləyir. 
 
Ovqat.com xəbər verir ki, Nazirliyin bu gün yaydığı məlumatda deyilir: “Müdafiə naziri ordu rəhbərliyinin diqqətini son zamanlar düşmənin təxribat hərəkətlərinin aktivləşməsi ilə döyüş fəaliyyətlərinin yenidən başlanması ehtimalının kəskin artmasına yönəldib. Nazir tərəfindən ön xətdə və düşmən müdafiəsinin dərinliyində kəşfiyyatın bütün növlərinin gücləndirilməsi, döyüşə hazırolma planlarının dəqiqləşdirilməsi, qoşunların hərtərəfli təminatı, həmçinin intensiv dərslərin, məşqlərin və təlimlərin keçirilməsinə dair konkret tapşırıqlar verilib.

Müdafiə naziri bütün səviyyələrdən olan komandirlərdən düşmənin müxtəlif təxribatlarının qarşısının alınması, cəbhənin bütün istiqamətlərində onun aktivləşməsinə qətiyyətlə yol verilməməsi və döyüş fəaliyyətlərinin aparılmasına hazır olmalarını tələb edib”.
 
 


Məlumatın tamamilə aşağıdakı mətndə tanış ola bilərsiniz.
 
Mayın 2-də Mərkəzi Komanda Məntəqəsində Müdafiə naziri general-polkovnik Zakir Həsənov Azərbaycan Ordusunun rəhbər heyəti ilə xidməti müşavirə keçirib.
 
Əvvəlcə Azərbaycan xalqının ümummilli lideri Heydər Əliyevin, eləcə də ölkəmizin müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib.
 
Müdafiə naziri çıxışında xüsusi vurğulayıb ki, Azərbaycan Respublikasının Prezidenti cənab İlham Əliyev tərəfindən vaxtında və effektiv verilən göstərişlər sayəsində koronavirus infeksiyasının ölkəmizin ərazisində geniş yayılmasının qarşısı alınıb. O, bildirib ki, həyata keçirilən qabaqlayıcı tədbirlər nəticəsində Azərbaycan Ordusunun şəxsi heyəti və mülki personalı arasında bu infeksiyaya yoluxma halları qeydə alınmayıb.
 
Müdafiə naziri ordu rəhbərliyinin diqqətini son zamanlar düşmənin təxribat hərəkətlərinin aktivləşməsi ilə döyüş fəaliyyətlərinin yenidən başlanması ehtimalının kəskin artmasına yönəldib. Nazir tərəfindən ön xətdə və düşmən müdafiəsinin dərinliyində kəşfiyyatın bütün növlərinin gücləndirilməsi, döyüşə hazırolma planlarının dəqiqləşdirilməsi, qoşunların hərtərəfli təminatı, həmçinin intensiv dərslərin, məşqlərin və təlimlərin keçirilməsinə dair konkret tapşırıqlar verilib.
 
Müdafiə naziri bütün səviyyələrdən olan komandirlərdən düşmənin müxtəlif təxribatlarının qarşısının alınması, cəbhənin bütün istiqamətlərində onun aktivləşməsinə qətiyyətlə yol verilməməsi və döyüş fəaliyyətlərinin aparılmasına hazır olmalarını tələb edib.
 
Müdafiə naziri faşizm üzərində qələbənin 75-ci ildönümü və Azərbaycan xalqının ümummilli lideri Heydər Əliyevin anadan olmasının 97-ci ildönümünə həsr olunmuş bayram tədbirlərinin yüksək səviyyədə keçirilməsini tapşırıb.
 
Müşavirənin sonunda Müdafiə naziri silah, hərbi və xüsusi texnikanın yay mövsümündə istismar rejiminə, şəxsi heyətin yay geyim formasına keçirilməsi, eləcə də hərbi qulluqçuların sağlamlığına tibbi nəzarətin gücləndirilməsi və onların təhlükəsizliyinin təmin olunması barədə müvafiq tapşırıqlar verib.


Ana səhifəyə qayıt        Baxış: 16 142          Tarix: 2-05-2020, 13:19      


Paylaş: