“Hərbi vəziyyət üzündən Ermənistan büdcəsinin xərclərinə yenidən baxılacaq”.
 
Ovqat.com-un erməni mediasına istinadən məlumatına görə, Ermənistanın Maliyyə Nazirliyi bu qərara gəlib.
 
Nazirliyin dəyərləndirməsinə görə, bu dəyişiklikdən sonra Ermənistanın ÜDM-in nominal həcmi 6 trilyon 485 dramdan 6 trilyon 170,2 milyard dramadək azalacaq. Nəticədə dövlət borcu ÜDM-ə nisbəti artaraq 67%-ə çatacaq.
 
Bilidirilir ki, Ermənistan parlameti büdcəyə yenidən baxmaq üçün çağırılır. İlk iclas okyabrın 6-da keçiriləcək.
 
Qeyd olunur ki, hökumətin qiymətləndirməsinə görə, 2020-ci ildə iqtisadi tənəzzül gözləniləndən daha yüksək olacaq.
 
Daha əvvəl tənəzzülün əsas səbəbi koronavirusun yaratdığı iqtisadi böhran idi, indi buna ölkənin Qarabağdakı təcavüzkar siyasətinin gətirdiyi ağır nəticələr də əlavə olunacaq.
 
İddialara əsasən, Azərbaycan ordusunun 27 sentyabrda başlatdığı əks-hücum əməliyyatında məhv etdiyi hərbi texnikaların ümumi dəyəri 3 milyard dollara yaxınlaşır. Bu hərbi büdcəsi 600 milyon dollar civarında olan Ermənistan ordusunun 5 illik büdcəsi deməkdir.