Ermənistanın Baş naziri Nikol Paşinyan Şuşanın itirilməsinə münasibət bildirib.
 
Ovqat.com xəbər verir ki, Nikol Paşinyan Facebook-da canlı yayımda Şuşanan süqutundan sonra Ermənistan ordusu şəhəri geri qaytarmaq üçün iki cəhd göstərib.
 
Onun sözlərinə görə, bir cəhd tamamilə uğursuz oldu, ikinci dəfə erməni dəstələrindən biri şəhərə nüfuz edə bilib. Ancaq ümumilikdə vəziyyət dəyişməyib. Paşinyan ziddiyyətli məlumatlara yol açan da elə bu dəstənin “yarımçıq” uğuru olub.
 
 
Baş nazir dünənki “Çiçəklənən Ermənistan” partiyasının lideri Gagik Tsarukyanın hakimiyyəti xəyanətdə günahlandıran açıqlamalarına da toxunub. Tsarukyan 28 oktyabrda Şuşanın hələ ermənilərdə olduğu zaman Rusiyanın Qarabağa sülhməramlıları yerləşdirmək istədiyini və bunun müharibənin sona çatmasına səbəb olacağını bildirmişdi. Partiya sədrinin fikrincə, Paşinyan bu təklifdən imtina edib.
 
Baş nazir bu açıqlamanı absurd adlandırıb. O xatırladıb ki, 22 oktyabrda Rusiya agentliklərindən birinə verdiyi müsahibədə Rusiya kontingentinin yerləşdirilməsinin tərəfdarı olduğunu söyləyib və fikrini 25 oktyabrda Hindistanın WION telekanalına müsahibəsində bir daha təkrarlayıb. “Buna görə də 28 oktyabrda belə bir ssenariyə qarşı ola bilməzdim”, - Paşinyan belə deyib.