Xəbər lenti

 
Dünyanın ən mötəbər qrossmeysterlərinin iştirak etdiyi “ Champions Chess Tour” çərçivəsində keçirilən “Airthings Masters” onlayn şahmat turniri başa çatıb. 
 
Ovqat.com-un məlumatına görə, həmyerlimiz Teymur Rəcəbov isveçli dünya çempionu Maqnus Karlsen, ABŞ təmsilçiləri Xikaru Nakamura, Uesli So, fransalı Maksim Vaşye-Laqrav, rusiyalı Yan Nepomnyaşiy, Daniil Dubov, hollandiyalı Aniş Qiri kimi görkəmli idmançıları geridə qoyaraq turnirin qalibi olub. 
 


Həmyerlimiz turnirin final mərhələsində ermənistanlı qrossmeyster Levon Aronyanla üz-üzə gəlib. İlk görüşdə 2,5 – 1.5 hesabı ilə qalib gələn şahmatçımız ikinci qarşılaşmada da erməni idmançıya heç bir şans verməyib: 2 – 1. Teymur Rəcəbov yüksək hesabla qalib gəldiyi üçün axırıncı oyunu keçirməyə ehtiyac qalmayıb. 3-cü yerin sahibi Daniil Dubova qalib gələn Maksim Vaşye-Laqrav olub.
 
Turnirin mükafat fondu üçün ayrılan 200 000 ABŞ dollarının 60 000 dolları yarışın qalibi Teymur Rəcəbova çatacaq.
 
Ramil Əkbərov


Ana səhifəyə qayıt        Baxış: 4 876          Tarix: 3-01-2021, 22:03      


Paylaş:   

Ən çox oxunanlar