"Öz xalqından intiqam almağa çalışan quldur Prezident, 4 ildir xalqımıza və başqalarına qarşı pis davrandı".
 
Ovqat.com xəbər verir ki, İranın Xarici İşlər naziri Məhəmməd Cavad Zərif öz Twitter səhifəsində ABŞ-da dünən baş verən iğtişaşlarda Donald Trampın rolunu bu cür qiymətləndirib.
 
Zərifin fikrincə, Tramp nüvə müharibəsi çıxarmaqdan belə, çəkinməyən qlobal bir təhlükə mənbəyidir:
 
“"Əsas narahatlıq bu şəxsin idarəolunmaz bir nüvə müharibəsi başlatması ehtimalıdır. O, beynəlxalq ictimaiyyət üçün ciddi bir təhlükəsizlik problemidir."
 
Xatırladaq ki, ABŞ Prezidenti Donald Trampın çağırışı ilə Ağ Evin önünə toplaşan minlərlə tərəfdarı Konqres binasına hücum etmişdi. İğtişaşı yatırtmaq üçün ABŞ polisinin açdığı atəş nəticəsində 4 nəfər ölmüşdü.