Füzuli bölgəsində aparılan axtarış nəticəsində daha 9 erməni hərbçisinin cəsədi tapılıb. 
 
Ovqat.com qondarma “DQR”-in “DİN”-nə  istinadən xəbər verir ki, nəşləri tapılanlar ehtiyatda olanlar və ya könüllülərdir. 
 
Məlumata görə, axtarış işləri başlandığı gündən indiyədək Qarabağda tapılan erməni cəsətlərinin sayı 1354-ə yüksəlib.
 
Qeyd edək ki, noyabrın 27-də Ermənistan Müdafiə Nazirliyi 44 günlük müharibə nəticəsində 2425 əsgərini itirdiyini rəsmən bildirmişdi. Daha sonra ermənilərin işğaldan azad olunmuş bölgələrdə qalmış cəsədlərinin toplanmasına qərar verildi. İndiyədək 1354 cəsətin də ümumi saya əlavə olunduğunu nəzərə alsaq, düşmən tərəfin itkisi ən azı 3779-dur. 

Cəsət axtarışları hələ də davam edir. Nəzərə alsaq ki rəsmən açıqlananlar ələ gələn cəsətlərdir və bir çox erməni əsgərləri “Bayraktar”-ın zərbələri nəticəsində parça-parça olub ətrafa yayılıb, düşmən itkilərinin əsl sayını müəyyənləşdirmək bəlkə də heç mümkün olmayacaq. Məsələ burasındadır ki, rəsmi İrəvan nə qədər əsgərinin itkin düşdüyünü də açıqlamır.