Qarabağda axtarışlar nəticəsində daha 15 erməni hərbçinin cəsədi tapılıb.

Virtualaz.org erməni mətbuatına istinadla xəbər verir ki, bir hərbçinin cəsədi Xocavənd, 13-ü isə Cəbrayıl istiqamətində aşkarlanıb. Daha bir erməni hərbçinin meyitini Azərbaycan tərəfi Ermənistana təhvil verib. Onların şəxsiyyətlərini müəyyənləşdirmək üçün məhkəmə tibbi ekspertizası təyin edilib.
29 yanvar tarixinə olan məlumata görə, indiyədək döyüş bölgəsindən 1344 erməni cəsədi tapılıb. Bu gün axtarış işləri Hadrut və Zəngəzur bölgəsi ətrafında aparılacaq.