Rusiya Ukrayna Silahlı Qüvvələrinin sərhədə çatmasının qarşısını almaq üçün qoşunlarını Belqorod vilayətinə cəmləşdirir.
 
Ovqat.com-un məlumatına görə, Amerikanın Müharibə Araşdırmaları İnstitutu bu barədə bildirib.
 
İnstitutun təsbitlərinə görə, Rusiya Ukraynaya qarşı müharibədə Xarkov yaxınlığında işğalçıların mövqelərini qorumağa çalışır. Məqsəd isə “şəhər artilleriyasının çata biləcəyi yerlərdə möhkəmlənmək, bununla da Ukrayna qoşunlarının növbəti əks-hücumlarının qarşısını almaqdır”.
 
İnstitut iddia edir ki, bu ehtimalın qarşısını almaq üçün Rusiya Silahlı Qüvvələrinin hərbi komandanlığı Belqorod vilayətində əlavə qüvvələr toplayır.