Xarkov yaxınlığında, Belqoroda gedən magistral yolun üzərində yerləşən Russkaya Lozovaya kəndi işğaldan azad edilib.
 
Ovqat.com Ukrayna Silahlı Qüvvələrinə istinadən məlumat verir ki, hücum əməliyyatını Quru Qoşunlarının komandanı, general-polkovnik Aleksandr Sırskinin rəhbərliyi ilə Ukrayna Müdafiə Nazirliyinin Baş Kəşfiyyat İdarəsinin qüvvələri aparıb.
 
Əməliyyat nəticəsində Xarkov vilayətinə bağlı Russkaya Lozovaya kəndi işğalçılardan azad edilib.
 
“Hazırda həmin yaşayış məntəqəsi tamamilə Ukrayna Silahlı Qüvvələrinin nəzarəti altındadır”, - məlumatda bildirilir.
 
Vurğulanır ki, kənd Xarkov-Belqorod avtomobil yolunun üzərində yerləşən strateji əhəmiyyətli yaşayış məntəqəsidir. İşğal zamanı rus qoşunları məhz bu məntəqədən Xarkovun mülki infrastrukturunu və yaşayış yerlərini atəşə tuturdu. 
 
Kəndin ələ keçirilməsi Belqorod-Donbass xəttində mühüm logistik mərkəzin zərərsizləşdirilməsi deməkdir.