Xəbər lenti


“Rusiya qoşunları Donetsk vilayətinin Baxmut şəhərində tutduqları bəzi mövqeləri tərk edib”.

Report” xəbər verir ki, bunu Ukrayna Silahlı Qüvvələrinin Quru Qoşunlarının komandanı, general-polkovnik Aleksandr Sırski Baxmutun müdafiəçiələri ilə görüşündə deyib.

O bildirib ki, son bir neçə gündə Rusiya qüvvələrinin Liman istiqamətində çoxsaylı hücumları dəf edilib: “Düşmənin mövqelərimizi ələ keçirmək cəhdləri uğursuz alınıb. Rusiya ordusu ciddi itki verib, düşmənin 10 əsgərini əsir almışıq. Baxmut istiqamətində gərgin döyüşlər davam edir. Qarşı tərəf bir neçə istiqamətdə mövqelərimizi yarmağa çalışdı. Amma bu, uğursuz oldu”.

A.Sırskinin sözlərinə görə, bütün cəhdlərə rəğmən, qarşı tərəf şəhəri ələ keçirə bilmir: “Vəziyyət kifayət qədər mürəkkəbdir”.

Ukrayna Silahlı Qüvvələri Şərq qruplaşması qoşununun sözçüsü Segrey Çerevatı isə bildirib ki, Baxmutda Rusiyanın 25 600 hərbçisi döyüşür.

Onun sözlərinə görə, bu istiqamətə qarşı tərəfin 65 tankı, 450 zirehli maşını, 154 artilleriya sistemi, 56 reaktiv atəş sistemi cəlb olunub: “Bu Çexiya və Macarıstanın ordunun malik olduğu hərbi texnikadan artıqdır”.

S.Çerevatı bildirib ki, Rusiya Baxmutdakı döyüşlərdə hər gün 100 hərbçi itirir.

Xatırladaq ki, daha əvvəl bildirilmişdi ki, Rusiya Silahlı Qüvvələri mayın 9-na qədər Baxmutu ələ keçirmək istəyir.

Qeyd edək ki, 7 aydan çoxdur ki, Baxmutda gərgin döyüşlər davam edir.




Ana səhifəyə qayıt        Baxış: 5 215          Tarix: 1-05-2023, 10:34      

Xəbəri paylaş


Paylaş:   

Prizma